Atgyfeirio Creadigol

Disgrifiad: Mae atgyfeirio creadigol yn derm ambarél a ddefnyddir i ddisgrifio atgyfeirio unigolion at asedau cymunedol i gymryd rhan mewn amrywiaeth eang o weithgareddau creadigol. Ymysg yr enghreifftiau o atgyfeirio creadigol mae canu / creu cerddoriaeth, paenito, dawns, drama, crefftau, ffotograffiaeth a ffilm, theatr ac ysgrifennu creadigol. Rhoddir rhai enghreifftiau o’r termau a ddefnyddir yn gyffredin ar gyfer atgyfeirio creadigol isod.

Mae atgyfeirio at y celfyddydau^CVSO (y cyfeirir ato’n aml fel ymyriadau sy’n seiliedig ar y celfyddydau^GC, ymyriadau celfyddydau ar gyfer iechyd^GC, celf ar bresgripsiwn^GI), yn disgrifio’r broses o atgyfeirio unigolion i gymryd rhan mewn amrywiaeth o weithgareddau celfyddydol. Mae atgyfeirio at amgueddfeydd yn disgrifio’r broses o atgyfeirio unigolion i ymgysylltu’n greadigol gydag amgueddfeydd, sy’n aml yn ymgorffori elfen o weithgarwch sy’n seiliedig ar gelf. Mae atgyfeirio at ddawns yn disgrifio’r broses o atgyfeirio unigolion i gymryd rhan mewn amrywiaeth o weithgareddau dawns a symud. Yn aml, caiff gweithgareddau atgyfeirio at ddawns eu hawgrymu ar gyfer oedolion â chyflyrau cronig, symudedd cyfyngedig, problemau niwrolegol neu ar gyfer oedolion hŷn sydd mewn perygl o gwympo.

Mae’r llenyddiaeth, sydd wedi’i seilio’n helaeth yn y maes gofal iechyd, yn aml yn ffafrio defnyddio’r term ‘…ar bresgripsiwn’ ar gyfer disgrifio’r asedau creadigol amrywiol sydd wedi’u cynnwys o fewn yr ambarél atgyfeiriad creadigol. Fodd bynnag, dangosodd yr ymgynghoriad nad yw’r term ‘ar bresgripsiwn’ yn cyd-fynd yn hwylus â’r model trawstoriadol o bresgripsiynu cymdeithasol yng Nghymru. Felly, wrth gynhyrchu’r rhestr termau, ystyriwyd y dylai’r termau a ddefnyddir ddefnyddio ‘atgyfeirio (at)’ i adlewyrchu’r adborth o’r ymgynghoriad a natur y cynnig presgripsiynu cymdeithasol yng Nghymru.

Termau Amgen: Celf ar bresgripsiwn^GI, y celfyddydau fel gofal iechyd, dulliau sy’n seiliedig ar y celfyddydau, ymyriadau sy’n seiliedig ar y celfyddydau^GC, ymyriadau celfyddydau ar gyfer iechyd^GC, atgyfeirio at gelf, celfyddydau creadigol mewn presgripsiynu cymdeithasol, dawns ar bresgripsiwn^GI, celfyddydau iachau, cynllun presgripsiynu cymdeithasol yn seiliedig ar amgueddfeydd, amgueddfeydd ar bresgripsiwn^GI, rhaglenni celfyddydau presgripsiwn cymdeithasol

Termau Cysylltiedig: Asedau cymunedol, Sefydliadau’r Sector Cymunedol a Gwirfoddol, atgyfeirio, atgyfeirio at addysg, atgyfeirio at gymorth lles, atgyfeirio at lyfrau, atgyfeirio at ymarfer corff, atgyfeirio glas, atgyfeirio gwyrdd, cyfeirio a chyfeirio gweithredol, llesiant, llwybr presgripsiynu cymdeithasol, ymarferydd presgripsiynu cymdeithasol, ymyriadau’n seiliedig ar natur